302
REGISTRES DU BUREAU
[i563]
vendre, sinon par licence de monsieur le Gouverneur, ou cn son absence, du Prevost des Marchans et Esche­vins.
Pour le guet de nuict.
« Et pour satisfaire au voulloir du Roy sur les lettres missives que Sa Majesté a envoyée ausd. Prevost des Marchans et Eschevins pour restablir le chevallier et gens du guet, avecq augmentation de quatre cens hommes de pied et cent hommes de cheval, sera re­monstré à Sa Majesté que, puisque il luy plaist que le chevallier soit remis et face son estat, ainsy qu'il a esté cy devant faict, lesd, bourgeois veullent tous­jours perseverer l'obeissance qu'ilz doibvent à Sa Ma­jesté, et cn ce faisant, qu'il luy plaise ordonner que des deniers acoustumez estre paiez ausd, du guet aux despens de Sa Majesté soit continué le paiement tant pour les gaiges dud. chevallier que pour ses gens de cheval, lesquelz seront, s'il plaist à Sad. Majesté, recongneuz par lesd. Prevost el Eschevins estre ma­nans et habitans, gens de mestier mariez et station­naire en lad. Ville, pour eviter que ce ne soient gens vaccabons et n'ayant que faire de jour, pour ne tom­ber aux inconveniens qui ont cy devant esté, lequel guet de cheval, s'il plaist au Roy, sera ambulatoire par la Ville toute la nuict pour recongnoistre les sen­tinelles ordonnées cy après.
"Et pour ce que lesd.' habitans ont congneu le repoz et seuretté que leur a apporté la nouvelle cous­tume des sentinelles ordonnées par les Dixainiers, et qu'il leur semble pour la seureté de ung chacun n'es­tre besoing de rompre encores ceste forme, pour le bien et fruict qui en est provenu pour la necessité, a esté advisé de supplier le Roy ne permetre la forme desd, sentinelles estre du tout ostées, ains per­mectre estre continué pour ung an seullement, et ne permectre pareillement qu'il soit levé aucuns deniers sur le peuple pour led. guet, actendant que Dieu nous ayt envoyé aultre comodité.
ct Et pour faire congnoistre que, soubz coulleur desd, sentinelles, l'on pourroit dire que l'on voulsist per­mectre que les armes demourassent entre les mains du peuple, a esté advisé, soubz le bon plaisir du Roy, que pour chacune Dixaine seront prins quatre ou six personnes, pour par ran selon la grandeur desd. Dixaines, pour lesquelz sera tenu en reserver quatre co[r]celletz, deux harquebuzes et quatre hallebardes en une maison de la Dixaine la plus notable, laquelle sera changée de huictaineenhuictaine pour la garde desd, armes.
"Accordé.